Sayang, tapos na engg week, ang saya saya nya kasi kahit medyo naging halos 24/7 na siya para sa akin. Talagang sinagad ko ang pasensya ng nanay ko kasi dalawang beses akong umuwi nang umaga na para lang maligo at kumain at hindi pa kasama dun yung last night ng engg week na hindi talaga ako umuwi at nung kinahapunan ay nagyaya pang manlibre yung kabarkada ko nung high school kasi bday nya kaya halos dalawang gabi akong hindi umuwi kasi madaling araw na akong nakabalik sa bahay. Ngayong engg week ko lang naranasan na maglakad mula KNL hanggang engg dahil wala na kaming masakyan nung isa kong kasama sa band ng org at ngayon ko lang rin naranasan na dahil sa wala na talagang matulugan dahil madaling-araw na ay naglakad na lang papunta sa mcdo philcoa at dun natulog, kakatawa talaga.
Sobrang sulit ko talaga ang engg week at nung last day ay may pahabol pa kaming duet na singing contest na naka-second place pa kami nung kapartner ko kahit super impromptu lang yung song namin at ni wala man kaming minus one kaya a capella lang yung performance. Nung hapon, nagpasama ako dun sa isa kong kaibigan para isoli yung gitara ng pinsan ko sa tandang sora tapos pagbalik bumili ako ng regalo para dun sa monito ko. Kahit na second kami at hindi first sa over-all ranking ng engg week ay ayos lang, hindi naman down ang mga tao kasi alam namin na we all played fair hindi kagaya nung iba na obvious na nandaya. Ang saya talaga, pero nalungkot nga lang ako kasi nung last night akala ko kumpleto kaming magkakasama nung mga kabarkada ko kaso yung isa hindi pinayagang mag-stay, yung isa, hindi ko alam kung nasaan nga ba at yung isa naman, may trabaho pa at halos hindi ko man na-feel yung presence.
In fairness, ang tino na ng facade ng cubao ngayon pag gabi, siguro dahil yuns newly opened na gateway mall. Dati kasi pag cubao, naiisip ko lang ay puro magnanakaw pero ngayon nagawa pa naming maka-gimik dun.
Hay...walang coherence tong entry ko, pasensya bangag pa ako kasi kakagising ko lang mula sa 12-hr sleep ko, pero kahit anupaman, masaya ako.:)
